2/12/2016 Urxe coñecer en que especialidades se van convocar oposicións
A CIG-Ensino dirixiuse á Consellaría de Educación para demandar a convocatoria da Mesa Sectorial para negociar a oferta de emprego público de 2017. Sen dúbida, defende a CIG-Ensino, é urxente e necesario coñecer as materias e as prazas que se van convocar para as oposicións para que o profesorado poida preparalas co maior tempo posible.
Nota: Este documento está en formato pdf. Para podelo visualizar precisas o lector Acrobat instalado no teu ordenador
20141027 Area Publica Orzamentos
2/12/2016 As/os representantes da central sindical levantáronse da mesa para denunciar “o paripé” ao que foron convocados
A Área Pública da CIG levantouse esta mañá da Mesa Xeral do Persoal da Xunta de Galiza á que foron convocadas as organizacións sindicais para presentarlles as liñas xerais dos orzamentos de 2017 no Capítulo 1, relativo ao Persoal. Denuncia que foi, un ano máis, “un paripé” non que “non hai posibilidade de negociación algunha”; asegura que calquera negociación pasa por poñer enriba da mesa a recuperación de todos os dereitos laborais do persoal e anuncia que se reserva o dereito a demandar á Xunta por vulnerar o dereito á negociación colectiva.
Escola infantil Galiña Azul
 
30/11/2016 A isto súmase a lectura restritiva que fai dos permisos e licenzas para recortar dous días de asuntos propios ao persoal das Escolas Infantís. Contra a restrición deste dereito temos presentado Conflito Colectivo
Desde a CIG Ensino esiximos a apertura inmediata das listas de agarda do persoal das Galescolas e o cese das chamadas indiscriminadas ao Servizo Galego de Colocación; así como a concesión dos 8 días de asuntos propios a todo o persoal das citadas escolas.
Nota: Este documento está en formato pdf. Para podelo visualizar precisas o lector Acrobat instalado no teu ordenador
 
28/11/2016 A CIG-Ensino reafirma a necesidade de paralizar e derrogar a LOMCE e con ela as reválidas
Mañá, día 29 de novembro, ás 10 horas, está prevista a reunión da Permanente do “Consejo Escolar del Estado” co obxecto de emitir por vía de urxencia o ditame sobre o proxecto de orde Ministerial pola que se determinan as características, o deseño e o contido das probas das avaliacións finais de ESO e do bacharelato para o curso 2016/2017, as datas máximas para realizar as avaliacións e resolver os procedementos de revisión das cualificación obtidas e os cuestionarios de contexto.
20161125 Mani #NinReválidasNinLOMCE
24/11/2016 En moitos centros a folga alcanzou o 100%, segundo a Plataforma Galega en Defensa do Ensino Público
“Polos datos que temos, o 90% do alumnado secundou hoxe en Galiza a folga convocada en ensino medio, ESO e Bacharelato, e houbo numerosos centros nos que a participación foi do 100%”. Así o declaraba ao comezo da manifestación de Compostela o portavoz da Plataforma Galega en Defensa do Ensino Público e secretario nacional de CIG-Ensino, Anxo Louzao, quen considerou que “esta é a mostra máis palpable do enorme rexeitamento que suscitan a LOMCE e as reválidas no noso país”.
ROLDA DE PRENSA PGDEP 22 NOVEMBRO 2016
22/11/2016 O borrador do decreto lei estabelece que, no futuro, as reválidas terán valor académico
A Plataforma Galega en Defensa do Ensino Público (PGDEP) fixo este martes, en rolda de prensa, un chamamento á comunidade escolar a sumarse á xornada de loita convocada para este xoves, día 24 de novembro, contra as reválidas e a LOMCE, e a participar nas mobilizacións convocadas tanto pola mañá como pola tarde nas sete cidades e en Vilagarcía, Cee e Carballo. O seu portavoz, Anxo Louzao, denunciou que mentres o goberno simula que as reválidas desaparecen, prepara un decreto lei no que se vai estabelecer que, no futuro, terán valor académico.
 
21/11/2016 Para o seu debate no Consello Escolar do Estado do próximo 29 de novembro
O Consello Escolar do Estado vén de remitirnos o proxecto de orde ministerial pola que se determinan as características, o deseño e o contido das reválidas de Educación Secundaria Obligatoria e do Bacherelato. Accede no interior ao texto.
Nota: Este documento está en formato pdf. Para podelo visualizar precisas o lector Acrobat instalado no teu ordenador
Concentracion 16 PGDEP
16/11/2016 Chama a comunidade escolar á xornada de loita o vindeiro día 24 para que se paralicen todas as probas e se derrogue definitivamente a lei
Cunha concentración simbólica diante da consellaría de Educación a Plataforma Galega en Defensa do Ensino Público reiteraba, esta mañá, a súa rotunda oposición ás reválidas e á LOMCE. Demandas que respaldou coa entrega dun total de 13.526 sinaturas recollidas nas últimas semanas que constatan o enorme rexeitamento que suscita esta lei no conxunto da comunidade escolar.
 
14/11/2016 A distribución horaria dá como resultado que na ESO o alumnado reciba 13 horas menos de docencia en galego que en español na modalidade de ensinanzas aplicadas e 10 menos nas académicas
O 29 de setembro de 2016, a CIG-Ensino dirixiuse ao conselleiro de educación para deixar constancia das inmediatas consecuencias da aplicación da LOMCE como son o incremento da españolización do sistema educativo galego e a redución do ensino en galego. Así mesmo, na Mesa Sectorial do 11 de outubro volvemos incidir na necesidade de desfacer este novo atropelo á nosa lingua, sen que até agora a Consellaría emprendese ningunha modificación do Decreto 79/2010 para desfacer esta discriminación.
 
10/11/2016 Esixímoslle á Consellaría de Educación que revise de xeito inmediato este sistema, pois nin repercute na redución do prezo, nin na mellora do servizo, nin do traballo burocrático para os centros, senón todo o contrario
A Consellaría de Educación envioulles aos centros educativos unhas instrucións na que se lles informa de que a partir deste curso a compra de combustible para as calefaccións debe facerse a través dunha serie de empresas concertadas coa Xunta. O novo sistema está a provocar que moitos centros teñan que pagar máis caro o gasóleo que cando o propio centro contrataba directamente este servizo coa empresa, por outra parte, do seu contorno.
ROLDA DE PRENSA DA PGDEP 8 DE NOVEMBRO DE 2016
8/11/2016 Reclama unha resolución ministerial co seu pertinente traslado ao BOE que paralice as reválidas para a súa posterior derrogación xunto coa da LOMCE
A Plataforma Galega en Defensa do Ensino Público (PGDEP) anunciaba este martes, en rolda de prensa, a convocatoria de mobilizacións para o día 16 de novembro –cunha concentración, ás 11:15 horas, diante da Consellaría de Educación, e posterior entrega no rexistro das sinaturas recollidas contra as reválidas- e para o día 24 de novembro – con concentracións nas sete cidades, ás 19:00 horas, e en Cee, Vilagarcía ás 19:30 horas-.
concentracion 14 setembro contra revalidas 2016
27/10/2016 Paso atrás totalmente insuficiente que continúa a amosar unha irresponsabilidade e desprezo absoluto co profesorado e alumnado de 2º de Bacharelato que se ten que enfrontar este ano ás ditas probas, descoñecendo absolutamente todo o relacionado con estas
Ante o anuncio no Parlamento do presidente en funcións, o Sr. Rajoy, a respecto de que as reválidas de ESO e bacharelato non serán necesarias para adquirir o título e terán unicamente valor para acceder á Universidade, até que se conclúa o pacto pola educación, a Plataforma Galega en Defensa do Ensino Público quere manifestar o seguinte:
Foto santiago 26 10 2016
26/10/2016 A PGDEP realizou concentracións en Pontevedra, Compostela, Vigo, A Coruña, Lugo, Ferrol, Ourense, Carballo, Cee e Vilagarcía.
A Plataforma Galega en Defensa do Ensino Público (PGDEP) valora como un rotundo éxito o seguimento desta xornada de loita contra as reválidas e a LOMCE. Durante a tarde a PGDEP realizou concentracións en Pontevedra, Compostela, Vigo, A Coruña, Lugo, Ferrol, Ourense, Carballo, Cee e Vilagarcía.
 
25/10/2016 Realizaranse concentracións en todo o país
Dentro das accións que a Plataforma Galega en Defensa do Ensino Público está levando a cabo en contra das reválidas e da LOMCE hoxe mércores, 26 de outubro, dentro da xornada contra a LOMCE, realizaranse concentracións en todo o país. Consulta no interior as horas e lugares.
 
25/10/2016 A Consellaría está utilizando as inspeccións como se dun corpo policial se tratase a fin de interrogar dun xeito intimidatorio os centros educativos sobre a realización do referendo das reválidas nos centros educativos
A Consellaría de Educación, a través da inspección educativa, está dirixíndose aos centros de ensino de secundaria para que lle dean conta do referendo contra as reválidas levadas a cabo o día 20 de outubro, pola organización estudantil Erguer. Estudantes de Galiza, en diferentes centros educativos de secundaria en Galiza.
santiago 20 de outubro pgdep
20/10/2016 A Plataforma Galega en Defensa do Ensino Público valora positivamente a participación da maioría dos centros para rexeitar as reválidas
Profesorado e alumnado de secundaria de toda Galiza concentrouse hoxe, xoves, durante a hora do recreo, nos centros de ensino para manifestar o seu máis rotundo rexeitamento ás reválidas e á LOMCE. Unhas probas- as de ESO e bacharelato- que comezarán a realizarse en 2017 e que será imprescindíbel superar para conseguir os títulos de graduado en ESO e de bacharel a partir de 2018. Probas que, en todo caso, substituirán xa este curso as actuais PAU, sen que o alumnado saiba, a esta altura, en que van consistir o seu deseño, cando delas depende o seu futuro. Galería de imaxes no interior.
 
14/10/2016 Información para o Profesorado Interino e Substituto, mesa outubro de 2016
Información para o Profesorado Interino e Substituto, mesa outubro de 2016
Nota: Este documento está en formato pdf. Para podelo visualizar precisas o lector Acrobat instalado no teu ordenador
cabazas 2016 2
13/10/2016 A PGDEP fai un chamamento aos centros para que o 20 de outubro se concentren no recreo contra a LOMCE e as reválidas
A Plataforma Galega en Defensa do Ensino Público realizou este xoves 13 de outubro, no Rexistro da Xunta, en Santiago un acto simbólico de entrega de cabazas ao conselleiro de Educación para simbolizar e visualizar o gran suspenso da Consellaría de Educación por aplicar a reválidas. Este acto forma parte da campaña “NIN REVÁLIDAS NIN LOMCE” que leva adiante a PGDEP e que continuará o próximo 20 de outubro cunha chamada aos centros para que o profesorado e o alumnado fagan concentracións durante o recreo.
 
13/10/2016 Para a apertura de listas que publicou a Consellaría de Educación
A CIG-Ensino solicitou que se inclúan novas titulacións requeridas para a impartición dalgunhas disciplinas na apertura de listas que publicou a Consellaría de Educación.
Nota: Este documento está en formato pdf. Para podelo visualizar precisas o lector Acrobat instalado no teu ordenador
20161010 Roda de Prensa Plataforma #NinReválidasNinLOMCE
10/10/2016 Anuncia un calendario de accións que vai desenvolver nos próximos días e que contempla desde a entrega de cabazas ao concelleiro de Educación até concentracións nos centros de ensino
A Plataforma Galega en Defensa do Ensino Público (PGDEP) anunciou esta mañá, en rolda de prensa, un amplo calendario de accións e mobilizacións coas que se dá continuidade a todas as que xa ten desenvolvido desde a aprobación desta Lei. A Plataforma transmitiu ademais a súa “firme vontade de continuar na loita até conseguir derrogar a LOMCE e as reválidas”.
novo cartaz concentración 26
10/10/2016 #NinReválidasNinLOMCE
A PGDEP propón que se amose o rexeitamento ás reválidas con concentracións diante dos centros durante o recreo o 20 de outubro e participando nas convocadas para o mércores 26. Consulta no interior as horas e lugares de realización. Nesta nova podedes ver e ASINAR o manifesto "NON AS REVÁLIDAS" así como o resto de documentación da Campaña da Plataforma Galega en Defensa do Ensino Público contra as Reválidas e a LOMCE. Tamén atoparedes un CIG Informa da CIG Ensino sobre a campaña #NinReválidasNinLOMCE.
 
7/10/2016 Sentenza do TSXG sobre a adxudicación noutro corpo
O Tribunal Superior de Xustiza de Galiza (TSXG) ditou sentenza o pasado 26 de setembro, resolvendo que a Consellaría de Educación non pode adxudicarlle ao profesorado de secundaria prazas do corpo de Música e Artes Escénicas, aínda que teña a titulación requirida. Na nova podes ver a actuación da CIG Ensino durante todo o proceso así como tres CIG Informas sobre o tema.
Mesa sectorial 1
5/10/2016 Nesta mesa tratáronse entre outras cuestións os concursos de traslados
Nesta nova terás toda a información sobre a Mesa Sectorial do martes 11 de outubro na que se trataron as ordes do concurso xeral de traslados, do concurso de orientación e de adultos.
mondoñedo 2
4/10/2016 Coincidindo coa apertura oficial do curso en FP por parte da raíña Letizia e do Ministro de Educación
A CIG-Ensino concentrouse na mañá deste martes 4 de outubro en Mondoñedo, en Lugo, para exixir a derrogación da LOMCE e a eliminación das reválidas e denunciar os recortes no ensino público coincidindo coa apertura oficial do curso na FP por parte da raíña Letizia e do Ministro de Educación no IES San Rosendo.
 
4/10/2016 Do contrario estariamos ante unha actuación irresponsable que pode supor inseguridade e prexuízos para o profesorado
A CIG Ensino solicitoulle á Consellaría de Educación que actúe con celeridade e determinación para que o Ministerio contemple na próxima convocatoria os criterios das resolucións xudiciais do TSXG. Do contrario, estariamos ante unha situación irresponsáble que pode supor inseguridade e prexuízos para o profesorado, por tratarse dun concurso xeral de traslados de ámbito estatal no que o Ministerio aplica un baremo diferente ao da Consellaría de Educación. A CIG-Ensino tamén se dirixiu ao Ministerio para que convoque o concurso nos mesmo termos que o convocado en Galiza no curso 2015/2016. Accede no interior aos dous escritos.
Nota: Este documento está en formato pdf. Para podelo visualizar precisas o lector Acrobat instalado no teu ordenador
 
26/9/2016 Acordo entre a Xunta e as organizacións sindicais para a adhesión e integración do Consorcio no V Convenio do persoal laboral da Xunta de Galicia
Acordo entre a Xunta e as organizacións sindicais para a adhesión e integración do Consorcio no V Convenio do persoal laboral da Xunta de Galicia
Nota: Este documento está en formato pdf. Para podelo visualizar precisas o lector Acrobat instalado no teu ordenador
20151119 Concentracións Sinaturas Consorcio
26/9/2016 información do acordo entre a Xunta e as organizacións sindicais para a adhesión e integración do Consorcio
Na Comisión de Persoal Extraordinaria acadouse por unanimidade a aprobación do Acordo presentado pola Administración ás Organizacións Sindicais sobre a adhesión e integración ao V Convenio Colectivo do Persoal Laboral da Xunta de Galicia e os procesos de integración de dito persoal na Xunta de Galicia. No interior da nova tedes a descarga co acordo.
consorcio
 
17/9/2016 Alegacións conxuntas da CIG e outras organizacións sindicais
Tal e como nos comprometemos na asemblea de traballadoras, fixemos todo o posíbel por presentar unha proposta conxunta, non foi posíbel que fora de todas as organizacións, desmarcouse unha delas. Unha vez sexa aceptada pola administración levaremos a proposta definitiva a unha Asemblea de traballadoras e traballadores do Consorcio a celebrar en Compostela na semana entrante.
Nota: Este documento está en formato pdf. Para podelo visualizar precisas o lector Acrobat instalado no teu ordenador
concentracion 14 setembro contra revalidas 2016
14/9/2016 A Plataforma di que se non retiran as reválidas fará un chamamento á insubmisión
A Plataforma Galega en Defensa do Ensino Público (PGDEP) concentrouse este mércores 14 de setembro diante da Consellaría de Educación contra a aplicación das reválidas e para denunciar a falta de profesorado, de prazas e de recursos no ensino público. Anxo Louzao, en representación da Plataforma, dixo que se non retiran as reválidas a Plataforma fará un chamamento á insubmisión a estas probas que foron rexeitadas o curso pasado por máis do 80% das familias.
PGDEP Inicio curso 2016-2017
12/9/2016 Reclamou en rolda de prensa a súa paralización
A Plataforma Galega en Defensa do Ensino Público (PGDEP) concentrarase o mércores 14 de setembro diante da Consellaría de Educación contra a aplicación das reválidas e para denunciar a falta de profesorado, de prazas e de recursos no ensino público. Así o adiantou hoxe nunha rolda de prensa na que fixo un repaso das necesidades do sistema educativo e das carencias que se evidencia nun inicio de curso marcado pola decisión do goberno en funcións de seguir implantando a LOMCE de costas á sociedade.