20151119 Concentracións Sinaturas Consorcio
26/9/2016 información do acordo entre a Xunta e as organizacións sindicais para a adhesión e integración do Consorcio
Na Comisión de Persoal Extraordinaria acadouse por unanimidade a aprobación do Acordo presentado pola Administración ás Organizacións Sindicais sobre a adhesión e integración ao V Convenio Colectivo do Persoal Laboral da Xunta de Galicia e os procesos de integración de dito persoal na Xunta de Galicia. No interior da nova tedes a descarga co acordo.
consorcio
 
17/9/2016 Alegacións conxuntas da CIG e outras organizacións sindicais
Tal e como nos comprometemos na asemblea de traballadoras, fixemos todo o posíbel por presentar unha proposta conxunta, non foi posíbel que fora de todas as organizacións, desmarcouse unha delas. Unha vez sexa aceptada pola administración levaremos a proposta definitiva a unha Asemblea de traballadoras e traballadores do Consorcio a celebrar en Compostela na semana entrante.
Nota: Este documento está en formato pdf. Para podelo visualizar precisas o lector Acrobat instalado no teu ordenador
concentracion 14 setembro contra revalidas 2016
14/9/2016 A Plataforma di que se non retiran as reválidas fará un chamamento á insubmisión
A Plataforma Galega en Defensa do Ensino Público (PGDEP) concentrouse este mércores 14 de setembro diante da Consellaría de Educación contra a aplicación das reválidas e para denunciar a falta de profesorado, de prazas e de recursos no ensino público. Anxo Louzao, en representación da Plataforma, dixo que se non retiran as reválidas a Plataforma fará un chamamento á insubmisión a estas probas que foron rexeitadas o curso pasado por máis do 80% das familias.
PGDEP Inicio curso 2016-2017
12/9/2016 Reclamou en rolda de prensa a súa paralización
A Plataforma Galega en Defensa do Ensino Público (PGDEP) concentrarase o mércores 14 de setembro diante da Consellaría de Educación contra a aplicación das reválidas e para denunciar a falta de profesorado, de prazas e de recursos no ensino público. Así o adiantou hoxe nunha rolda de prensa na que fixo un repaso das necesidades do sistema educativo e das carencias que se evidencia nun inicio de curso marcado pola decisión do goberno en funcións de seguir implantando a LOMCE de costas á sociedade.
 
9/9/2016 A CIG-Ensino solicitoulle a Consellaría que revisara a adxudicación de prazas con afíns
A CIG-Ensino quere denunciar que máis de 4.000 profesores e profesoras que teñen que iniciar o curso o próximo día 15 están a esta altura sen nomear. Para a CIG-Ensino é una auténtica tomadura de pelo que a Consellaría de Educación agarde até o último día, un venres, a última hora -cando o profesorado xa nin sequera pode contactar con ela- para facer a adxudicación de destino do 28% dos cadros de persoal de secundaria. Ás 14:45, a Consellaría de Educación aínda non publicara a adxudicación definitiva.
Valoracion inicio de curso 2016-2017 rolda de prensa
5/9/2016 O secretario nacional, Anxo Louzao, denuncia a imposición dun proceso “segregador e selectivo” que é “letal” para o alumnado
“Centraremos todas as nosas forzas en conseguir que non se realicen as reválidas de bacharelato e ESO”. Con esta contundencia se manifestaba esta mañá, en rolda de prensa, o secretario nacional da CIG-Ensino, Anxo Louzao, que non dubidou en cualificar de “letais” para o alumnado esta probas selectivas e “segregadoras”. Probas para as que a CIG-Ensino chamará á insubmisión, toda vez que este ano serán só orientativas e prescindíbeis para conseguir a titulación. Louzao explicou que o inicio do curso escolar vén marcado pola imposición da LOMCE, coas súas reválidas na ESO e Bacharelato. Unha cuestión que xa avanzou “seguirá sendo motivo de conflito até que consigamos a súa paralización e derrogación”.
205 euros
18/8/2016 A Consellaría utiliza o mes de agosto para modificar os concertos educativos do curso 2016-2017 e crear 58 novas unidades concertadas
O venres 12 de agosto, a Consellaría de Educación publica no DOG unha orde pola que se modifican os concertos educativos do curso pasado. A CIG-Ensino denuncia que, mentres a Consellería continúa recortando profesorado, pechando escolas e suprimindo unidades nos centros públicos e se nega a cubrir as demandas feitas polos centros, segue a incrementar, un ano máis, o número de unidades concertadas con centros privados. No curso que vén serán 58 unidades de nova creación fronte ás só 16 que se suprimen, é dicir un incremento neto de 38 unidades, incrementando así os fondos públicos para financiar empresas privadas.
urna
6/8/2016 A Xunta vai pagar o que resta da paga do 2012 e o gañado por sentenzas da paga 2013 na nómina de agosto
O DOG do día 5 de agosto publica o anuncio da Consellaría de Facenda en que informa de que vai devolver conxuntamente a parte que falta da paga extra de 2012 e a parte da paga extra de 2013 que a Xunta accedeu a aboar despois das numerosas sentenzas, moitas delas gañadas pola CIG, grazas ao cal moitas profesoras e profesores xa percibiron a parte correspondente á extra de 2013.
20160609 Consorcio. Convenio XA
 
29/7/2016 O traballo dos últimos anos comeza a dar resultados
A firmeza da CIG na defensa dos dereitos e intereses do persoal do Consorcio, o traballo diario dos/as nosos/as delegados/as, a determinación en seguir adiante coa nosa folla de ruta de mobilizacións incluso anunciando a convocatoria de folga de ser preciso, foi o que propiciou que se iniciara a Mesa de Negociación para a aplicación do V Convenio. As conquistas non se conseguen con paripés de negociacións nin fotos de última hora, conséguense con traballo. Desde a CIG cumprimos o compromiso de loita polos nosos dereitos laborais.
Nota: Este documento está en formato pdf. Para podelo visualizar precisas o lector Acrobat instalado no teu ordenador
opositores oposicions
28/7/2016 Non procura que os tribunais de oposición actúen baixo os mesmos criterios
Nestes días numeroso profesorado de diferentes especialidades está denunciando a falta de equidade na convocatoria deste ano. A CIG-Ensino denuncia que a Consellaría de Educación non garantiu un sistema de acceso equitativo, pois o que se puido constatar é que os tribunais de oposición actuaron con diferentes criterios á hora de adxudicar notas e prazas. Isto xa provocou que numeroso profesorado de diferentes especialidades estea denunciando a falta de equidade nesta convocatoria.
opositores oposicions
21/7/2016 Información xeral sobre que facer unha vez que o tribunal publicou a lista de aprobadas e aprobados
Antes de nada felicitarche polo ingreso no corpo. E despois recordarche os pasos que tes que facer unha vez aprobada ou aprobado.
 
15/7/2016 A CIG-Ensino ten que denunciar que a Consellaría de Educación emprega, unha vez máis, as datas de verán, este venres de mediados de xullo, para recortar unidades e postos de traballo no Ensino Público
A CIG-Ensino ten que denunciar que a Consellaría de Educación emprega, unha vez máis, as datas de verán, este venres de mediados de xullo, para recortar unidades e postos de traballo no Ensino Público. A CIG-Ensino vén de realizar un estudo de urxencia sobre o catálogo publicado hoxe pola Consellaría.
Agustín
12/7/2016 Desde a CIG-Ensino sempre lle agradeceremos a súa permanente disposición a colaborar e comprometerse coa defensa do ensino público e do ensino en galego
A CIG-Ensino manifesta que estamos ante unha perda irreperábel pola súa contribución á nosa cultura e polo seu empeño permanente en prol da nosa lingua, para que acadase a normalización plena. A defensa do idioma foi a tarefa central da súa vida. Como narrador e como docente dedicou os seus esforzos a construír a literatura de noso e a formar nenos e nenas e profesorado no amor ao noso idioma.
20160705 Aperura listaxes agarda
 
5/7/2016 En setembro, a CIG convocará en asemblea a todo o persoal do Consorcio para decidir que medidas tomar: V Convenio XA!!
Neste CIG Informa tes toda a información sobre a reunión mantida co Xerente do Consorcio, onde nos anuncia a apertura de listas de agarda. Pola nosa parte, en canto ao Convenio, deixamos clara a postura da CIG que non pasa por nada que non sexa a adhesión ao V Convenio e XA!!. Como o Xerente segue a dar largas convocamos a todo o persoal do Consorcio a unha asemblea nacional a celebrar en setembro en Compostela para tomar medidas.
Nota: Este documento está en formato pdf. Para podelo visualizar precisas o lector Acrobat instalado no teu ordenador
Enchufe
4/7/2016 A CIG-Ensino exixe a depuración de responsabilidades na Dirección Xeral de Centros e Recursos Humanos
O Tribunal Superior de Xustiza de Galiza (TSXG) vén de ditar sentenza firme en contra da actuación da Consellaría de Educación que cualifica de irregular, despois do recurso presentado pola asesoría xurídica da CIG-Ensino
xade
30/6/2016 Unha vez rematado o curso, a Consellaría de Educación obriga o profesorado a modificar os criterios de avaliación para subir ao programa de Xestión Administrativa da Educación (XADE)
A Consellaría de Educación, o 10 de xuño, tan só a doce días de que remate o curso escolar, publicou a orde que regula a avaliación e a promoción do alumnado que cursa educación primaria cando moitos centros e profesorado xa teñen iniciado e cumprimentado todo o procedemento burocrático que supón a avaliación.
 
30/6/2016 Esiximos que se manteñan as unidades e os postos de traballo para poder ofertar un ensino de calidade
A CIG-Ensino quere denunciar a intención da Consellaría de Educación de suprimir unidades e profesorado na comarca de Santiago ao tempo que decide aumentar a oferta do ensino privado concertado de forma irregular cando existen prazas de matrícula suficientes nos centros públicos.
sala de mestres muxía
29/6/2016 Como consecuencia do cese da persoa directora do colexio de educación infantil e primaria do CEIP de Paradai (Lugo), producíronse unha serie de actuacións irregulares nunca vistas por parte do inspector de educación no proceso de nomeamento accidental da nova dirección do centro
Diante da vacante producida pola dimisión do director del CEIP Paradai de Lugo, o pasado día 31 de maio, o inspector de educación D. Miguel Callón Fernández convoca unha reunión do profesorado do centro na que pide voluntarios para o dito cargo, presentándose para o mesmo tres profesoras. A continuación dítalle ao profesorado o seu teléfono e correo electrónico para que mediante estes medios lle comuniquen o seu parecer ou calquera comentario que queiran facer acerca destas tres profesoras, negándose a comentar nada nese momento e a realizar unha votación secreta, tal e como lle propuxeron algúns dos profesores e profesoras presentes.
 
28/6/2016 DECLARACIÓN DA CIG
A CIG reitera o compromiso e a aposta pola igualdade social, a visibilidade da diversidade e a non discriminación. Ao tempo, a central sindical denuncia a hipocrisía do Partido Popular que pese a contar cunha Lei pola igualdade e non discriminación de persoas LGTBI en Galiza, acomete políticas ultraconservadoras que perseguen impor a súa moral reaccionaria e intolerante e o seu modelo tradicional de familia.
 
20/6/2016 A CIG-Ensino denuncia tamén que no IES Maruxa Mallo hai aulas que acadan os 35 grados de temperatura
A CIG-Ensino denuncia a decisión da Consellaría de Educación de suprimir unha unidade de educación infantil no CEIP Mesón do Vento, en Ordes. Ademais a Consellaría de Educación pretende suprimir no mesmo concello a escola unitaria de Merelle. Estas medidas, coas que se suprimirán tres docentes, supoñen un novo recorte que se suma á xa longa listaxe de centros afectados por continuas reducións nos cadros de persoal.
 
20/6/2016 Na Escola Superior de Conservación e Restauración
A Valedora do Pobo vén de comunicarlle á CIG-Ensino que admitiu a trámite a queixa pola adxudicación dunha praza na Escola Superior de Conservación e Restauración, única en Galiza, nunha especialidade e vacante inexistentes no centro. Máis información no interior.
20160617 Chamamento ao SPEG Consorcio
 
20/6/2016 É inadmisíbel que se faga un chamamento ao SPEG e posterior baremación sen negociación coa representación sindical
Esiximos a apertura de novas listas de agarda para dar así a adecuada cobertura as necesidades dos servizos, o que evitaría recorrer constantemente ao SPEG. E, por suposto, aplicar canto antes un sistema que permita dar publicidade as listas coa finalidade de asegurar a súa transparencia.
Nota: Este documento está en formato pdf. Para podelo visualizar precisas o lector Acrobat instalado no teu ordenador
 
16/6/2016 A publicación da Orde de avaliación de primaria a doce días de finalizar o curso obriga os centros a volver facer un traballo xa iniciado
A CIG-Ensino denuncia que a Consellaría de Educación, o 10 de xuño, tan só a doce días de que remate o curso escolar, tivo o atrevemento de publicar a Orde que regula a avaliación e a promoción do alumnado que cursa Educación Primaria, cando moitos centros e profesorado xa teñen iniciado e cumprimentado todo o procedemento burocrático que supón a avaliación.
 
15/6/2016 Denuncia as difíciles condicións de traballo habituais do profesorado que exerce a coordinación das TIC
A CIG-Ensino solicitoulle á Consellaría que o profesorado coordinador das TIC teña os mesmos dereitos económicos e administrativos que a xefatura de departamento, e denuncia as difíciles condicións de traballo habituais do profesorado que exerce a coordinación das TIC nos centros de ensino que practicamente, o imposibilitan de exercer a súa función como coordinadores e coordinadoras en condicións óptimas.
Nota: Este documento está en formato pdf. Para podelo visualizar precisas o lector Acrobat instalado no teu ordenador
 
15/6/2016 Denuncia as dificultades que teñen os centros de secundaria co deseño dos itinerarios de 4º da ESO e bacharelato da materia de Tecnoloxía
A CIG-Ensino traladoulle á Consellaría de Educación as dificultades que teñen os centros de secundaria co deseño dos itinerarios de 4º da ESO e bacharelato da materia de Tecnoloxía para o vindeiro curso. A CIG-Ensino solicitiou que se ofreza a materia como específica na opción de ensinanzas académicas de 4º da ESO, que se oferte un itinerario da modalidade de Ciencias de 1º de bacharelato que non obrigue ao alumnado a cursar Relixión, volver ofrecer as materias Tecnolóxía Industrial I e II na modalidade de Ciencias do bacharelato de adultos e ofertar Electrotecnia e Robótica en 2º de bacaharelato na materia de libre configuración da Consellaría.
Nota: Este documento está en formato pdf. Para podelo visualizar precisas o lector Acrobat instalado no teu ordenador
 
10/6/2016 Ordinaria, adultos e dual
Ligazóns aos borradores de ordes para a oferta de FP para o curso 2016 - 2017.
20160609 Consorcio. Convenio XA
9/6/2016 Exixe a apertura inmediata de novas listas de agarda para o Consorcio Galego de Igualdade e Benestar
Persoal do Consorcio e representantes da CIG concentraronse esta mañá diante do Consorcio galego de Igualdade e Benestar e centros de traballo de toda Galiza en demanda da aplicación do V Convenio do Persoal laboral da Xunta de Galiza para todas as traballadoras/es do organismo. Xunto isto exixiron a apertura inmediata de novas listas de agarda. *** GALERÍA DE FOTOS NO INTERIOR DA NOVA ***
 
8/6/2016 Do 7 de xuño
Impartición da relixión no Bacharelato, ensino concertado, paga extra, reválidas, oposicións, oferta de FP, IES Sanxillao, profesorado de PT e AL, Tecnoloxía, Ensinanzas artísticas, coordinadores/as das TIC, coordinadores/as de programas europeos dos CMUS superiores, praza de restauración, formación pedagóxica, orde de avaliación de Primaria, prazas amortizadas no CXT e perfís das vacantes na adxudicación provisional, Debuxo, Comisións de selección das direccións, CMUS de Compostela, Equipos específicos de orientación, funcionarios en prácticas, tribunais.
Nota: Este documento está en formato pdf. Para podelo visualizar precisas o lector Acrobat instalado no teu ordenador
 
3/6/2016 Para tratar varios curriculos de FP
A Consellaría de Educación convocou Mesa Sectorial para o martes 7 de xuño para tratar varios proxectos e anteproxectos de decreto de formación profesional. Consulta no interior da nova a documentación.
20151119 Concentracións Sinaturas Consorcio
2/6/2016 Para o próximo curso, son necesarias máis de 100 novas prazas
A CIG Ensino é coñecedora, a través das listas de admitidos e admitidas das distintas escolas infantís da rede do Consorcio Galego de Igualdade e Benestar, Galiñas Azuis, da necesidade de contratar máis de 100 persoas entre mestras e mestres, educadoras e educadores e persoal de servizos xerais (PSX).