logo mesa sectorial
4/5/2017 Inclúe tamén a orde que regula as permutas provisionais, as concilias e o recoñecemento como servizos pretados das vacacións non gozadas
Consulta no interior toda a documentación e información da mesa que continuará o martes 16 de maio.
 
25/4/2017 CIG Informa Orde Oposicións 2017

Nota: Este documento está en formato pdf. Para podelo visualizar precisas o lector Acrobat instalado no teu ordenador
 
24/4/2017 A CIG-Ensino esixe a retirada desta modificación que non foi negociada e introducida unilateralmente pola Consellaría
A CIG-Ensino denuncia que a Consellaría de Educación modificou a orde de convocatoria de oposición e variou os criterios de acceso as listaxes de profesorado interino e substituto sen negocialo previamente na Mesa Sectorial, homologando os requisitos aos que se aplican para a habilitación no ensino privado.
PANCARTA ENSINO PUBLICO DE CALIDADE
19/4/2017 CIG-Ensino denuncia que mentres a pública reclama a dotación necesaria Educación blinda a privada
O Tribunal Superior de Xustiza de Galiza admitiu a trámite o recurso contencioso-administrativo presentado pola CIG-Ensino contra a orde da Consellaría de Educación pola que se compromete 1.550 millóns de euros para os centros privados. Esta orde amplía o tempo para a concesión estabelecido na LOMCE e blinda os concertos con estes centros até o curso 2022/23 destinándolles, cada ano, 258 millóns que detrae do ensino público.
Presentación Correlingua 2017-1
18/4/2017 O lema desta edición: “En galego, sen cancelas”
Entregáronse hoxe, martes 18 de abril, os premios Correlingua na Deputación da Coruña. Á entrega acudiu o alumnado gañador das tres categorías composto por alumnado de Educación Infantil, Primaria e Secundaria.
dog
17/4/2017 A CIG-Ensino cualifica esta convocatoria de insuficiente para atender as necesidades do ensino público.
O prazo de presentación de solicitudes iniciarase o día 18 de abril e rematará o 9 de maio de 2017.
 
11/4/2017 A oferta de emprego público publicouse no DOG este venres 7 de abril
A Consellaría de Educación ten previsto publicar no DOG do luns 17 de abril a convocatoria de oposicións. A oferta de emprego público publicouse no DOG do venres 7 de abril. Podes consultar no interior o borrador da convocatoria.
Non máis violencia de xénero
6/4/2017 Na Mesa tratáronse tamén dúas ordes absolutamente continuístas nos recortes en formación do profesorado.
A CIG-Ensino esixiu hoxe varias modificacións no Decreto polo que se crea a titulación de Técnica Superior en Igualdade de Xénero para que esta formación académica sexa efectiva en procurar a igualdade de oportunidades e combater a violencia machista e os feminicidios. No interior da nova tedes tamén toda a información da mesa sectorial.
20170330 Rolda de Prensa Área Pública
30/3/2017 Cre “impresentábel” que CCOO, UGT e CSIF renuncien a recuperar efectivos, dereitos e salarios
CIG-Administración, CIG-Ensino e CIG-Saúde rexeitaron, en rolda de prensa, o acordo asinado este mércores, antes mesmo da celebración da Mesa Xeral das Administracións Públicas, por CCOO,UGT e CSIF. Denuncian que “é unha renuncia a recuperar todo o emprego público perdido durante todos estes anos” e que non contempla tampouco a recuperación nin dos dereitos laborais suprimidos, nin das condicións salariais recortadas. Lonxe disto, denuncian que se lle dá un aval ao Partido Popular para que utilice ao persoal das administracións públicas como arma para que se lle aproben os orzamentos de 2017.
logo mesa sectorial
30/3/2017 Licenzas de Formación, orde de reintegros, orde PIALE
Consulta no interior a información sobre a mesa e os documentos remitidos pola Consellaría de Educación
Conservatorios
29/3/2017 Concentrouse esta mañá diante da consellaría de Educación para exixir unha solución definitiva ás ensinanzas de música e ao seu profesorado
A CIG-Ensino concentrouse esta mañá diante de Educación para denunciar a falta de planificación da consellaría, o desinterese da Administración polas ensinanzas musicais e a perda de carga horaria das materias de música na ESO e en bacharelato, tanto coa LOE como coa LOMCE, que á súa vez provocou unha redución de postos de traballo e o uso da materia de Música como comodín para completar horario doutras materias.
concentracion oposicions xa 2017
28/3/2017 Considera inadmisíbel que se presente publicamente, en foto con Montoro, antes de pasar pola Mesa de negociación
A CIG-Área Pública está convocada á xuntanza da Mesa Xeral das Administracións Públicas, que se celebrará mañá a partir das 16:30 horas para debater a proposta de acordo “para a mellora do emprego público”. Alén de discrepar do seu contido considera inadmisíbel que se escenifique a súa sinatura cunha foto con Montoro que está prevista ás 13:00 horas, case catro hora antes de que se reúna a Mesa.
non chamar substitucions
28/3/2017 Anuncia que non as cubrirá até despois de Semana Santa
A CIG-Ensino esixe a inmediata cobertura de todas as baixas que se produzan para garantir que todo o alumnado teña aulas das materias afectadas pola baixa laboral do seu profesorado
xustiza
28/3/2017 Malia as declaracións recentes dos responsábeis da Consellaría na Mesa Sectorial, a Xunta non só non estende de oficio este dereito a todo o profesorado interino, senón que desestima as reclamacións en vía administrativa e presenta recursos de apelación contra as sentenzas que perde
A CIG-Ensino vén de gañar unha nova sentenza, neste caso no Xulgado do Contencioso Administrativo de Ourense, pola que se recoñece o dereito a unha docente interina con contratos de substitución a que se lle compute o tempo de vacacións cobradas e cotizadas mais non gozadas para os efectos de antigüidade, tanto para trienios como sexenios,. A sentenza conclúe, tal e como aseguraba a CIG-Ensino, que a decisión da Consellaría de Educación de non computarlle ese períodos vacacionais supón un claro suposto de discriminación, xa que esas vacacións nacen como consecuencia do desempeño dun traballo por un tempo determinado e que, por tanto, debe computarse para todos os efectos, tamén os retributivos. A sentenza condena a Consellaría a aboar os trienios e sexenios correspondentes, o que na práctica implica adiantar a data de cumprimento da antigüidade no número total de días de vacacións non gozadas. Así mesmo, a sentenza imponlle á Xunta os xuros legais correspondentes así como as custas xudiciais.
 
25/3/2017 Tamén llo solicitamos ao Conselleiro de Educación
Sabendo que o alumnado escolleu unha matrícula tendo en conta uns criterios que, agora, a menos de dous meses para a celebración das ABAU se ven modificados, a CIG-Ensino solicítalle á CIUG que esta medida non entre en vigor e que se recuperen as táboas de ponderación vixentes no momento en que o alumnado realizou a súa escolla, engadindo as modificacións imprescindibles que as novas materias LOMCE requiran e adiando calquera modificación a cursos posteriores, dado que as persoas afectadas xa non poden modificar unha elección realizada cuns criterios distintos, pero vixentes no seu momento.
Nota: Este documento está en formato pdf. Para podelo visualizar precisas o lector Acrobat instalado no teu ordenador
ELA
22/3/2017 Convocada por ELA, LAB e STEILAS
A CIG-Ensino quere amosar o seu apoio e solidariedade coa folga que as organizacións sindicais ELA, LAB e STEILAS teñen convocada para o día de hoxe en Euskadi e Navarra, en todo o ensino público non universitario.
Neve
22/3/2017 Ante as nevadas previstas para os días 22 e 23 de marzo
A CIG-Ensino esixe que a Consellaría se faga responsábel da situación no sentido de que se non se garante o transporte de ida e de volta, debe suspender as clases e, ao mesmo tempo, exixe a negociación do novo protocolo de actuación para casos semellantes para non estar permanentemente ao azar da improvisación e irresponsabilidade da Consellaría.
concentracion oposicions xa 2017
15/3/2017 Concentrouse na mañá deste mércores 15 de marzo diante da Consellaría de Educación
A CIG-Ensino demandou esta mañá, cunha concentración diante da consellaría de Educación, a inmediata convocatoria de oposcións para rematar coa “inseguridade” e “incertidume” na que se atopan as e os opositores. Denunciou que, en todo caso, a oferta de emprego públigo proposta por Educación é insuficiente para satisfacer as necesidades do sistema educativo galego e a “provisionalidade” e precariedade que sofren as e os interinos.
Anxo Louzao congreso marzo 2017
14/3/2017 Rexeitou a pretensión do PP de facer máis presentábel a LOMCE sen cambiar os seus fundamentos
O secretario nacional da CIG-Ensino e membro do Consello Escolar do Estado, Anxo Louzao, compareceu esta mañá na “Subcomisión para a Elaboración dun gran Pacto de Estado Social e Político pola Educación”, no Congreso dos Deputados. Na súa intervención defendeu “unha transformación radical do sistema educativo, a modificación da Constitución e a supresión dos concertos educativos” e avogou por unha educación “pública e universal de 0 a 18 anos, inclusiva e equitativa, totalmente laica, coeducativa e non sexista, gratuíta e democrática e que garanta unha real igualdade de oportunidades”.
 
13/3/2017 Mañá martes día 14 de marzo ás 11:30 horas
O secretario nacional da CIG-Ensino, Anxo Louzao comparecerá mañá martes, día 14 de marzo, ás 11:30 horas, no Congreso dos Deputados, na “Subcomisión para a Elaboración dun gran Pacto de Estado Social e Político pola Educación”. Abordará a situación actual do ensino en Galiza e presentará as liñas básicas, coas alternativas e propostas, que para a CIG-Ensino son necesarias en calquera acordo educativo que pretende abranguernos a todos.
 
13/3/2017 Non é aceptábel que o profesorado de PES teña que pasar outra oposición para ter un destino definitivo e tampouco que se convoque só oposicións de acceso aos conservatorios e non de ingreso o que impide que se presenten os/as interinos/as
A falta de planificación da Consellaría, o desinterese da administración polas ensinanzas musicais, a perda de carga horaria da materia de Música na ESO e bacharelato, tanto coa LOE como coa LOMCE; a utilización de criterios economicistas, a redución de postos de traballo e o uso da materia de Música como comodín para completar horario doutras materias comporta que neste momento aínda haxa 45 docentes do corpo de Música en expectativa de destino, despois de máis de 9 ou 10 anos nesta situación, 26 dos e das cales imparten clase este curso nos conservatorios.
Nota: Este documento está en formato pdf. Para podelo visualizar precisas o lector Acrobat instalado no teu ordenador
9 de marzo Santiago
9/3/2017 Estudantado e profesorado percorreu as rúas de cidades e vilas galegas contra a LOMCE e os recortes
O ensino público en Galiza foi hoxe á folga contra a LOMCE e os recortes en educación, cun seguimento que a Plataforma Galega en Defensa do Ensino Público valorou moi positivamente e que cuantificou, á saída da manifestación de Compostela, en preto do 90%. “As aulas quedaron baleiras” asegurou o seu portavoz, Anxo Louzao, quen considerou que “esta ten que ser a acta definitiva de defunción da LOMCE, das reválidas e dos recortes que desde 2010 leva sufrido o ensino público en Galiza”.
 
7/3/2017 Na web da Consellaría tamén o de Adultos
A Consellaría de Educación publicou a resolución provisional do concurso de traslados para o profesorado dos corpos de catedráticos, PES, PT, EOI, EAA e OA, CMUS, inspectores ao servizo da Administración educativa e inspectores de educación para o ano 2017 e tamén a adxudicación provisional do concurso de traslados específico entre funcionarios docentes do corpo de profesores de ensino secundario, para cubrir prazas nos centros específicos de educación e promoción de adultos.
 
3/3/2017 Mesa Sectorial 2 de marzo

Nota: Este documento está en formato pdf. Para podelo visualizar precisas o lector Acrobat instalado no teu ordenador
 
2/3/2017 Temas tratados nos varios da mesa sectorial de hoxe 2 de marzo de 2017
Nesta nova incluiremos os varios da mesa sectorial celebrada hoxe 2 de marzo de 2017
Oferta emprego 2017
 
2/3/2017 Mesa do 2 de marzo de 2017
Oferta de emprego público anunciada agora mesmo na mesa sectorial
Nota: Este documento está en formato pdf. Para podelo visualizar precisas o lector Acrobat instalado no teu ordenador
2070302 Mesa sectorial
1/3/2017 Oferta de emprego, convocatoria, concurso direccións...
A CIG-ENSINO considera que a oferta presentada pola Consellaría é totalmente insuficiente para atender as necesidades do Ensino Público e esixiu da Consellaría de Educación a inmediata convocatoria das oposicións. Nesta nova tes toda a información sobre os temas tratados na mesa sectorial.
Opos
1/3/2017 Na reunión da Mesa Sectorial do Estado celebrada onte martes a CIG-ENSINO esixiu do Ministerio de Educación a garantía de que o goberno estatal non porá atrancos á convocatoria de oposicións docentes anunciada pola Xunta de Galiza e sobre a que hai dúbidas neste momento
A CIG Ensino trasladoulle ao Subsecretario de Estado de Educación, que presidía a reunión, unha crítica pola actitude do goberno español que está empregando as oposicións docentes como arma política, demostrando coas súas ameazas que non ten respecto pola capacidade das CCAA para definir e planificar as súas necesidades de persoal docente.
20160609 Consorcio. Convenio XA
1/3/2017 Integración do persoal do Consorcio no V Convenio Colectivo do persoal laboral da Xunta
Cando en setembro asinamos o primeiro acordo para a integración do persoal do Consorcio no V Convenio dixemos que era mellorábel pero que era un avance para o persoal laboral do Consorcio, nel tendíase á homologación das prazas, dereitos e oportunidades para que todos/as puideran acceder, tanto fixos como temporais, e se pechaba a porta a unha posíbel privatización. Só quedaba pendente o tema das categorías de persoal xerocultor e persoal de servizos xerais (PSX) ao que ao fin lle dimos solución. Parabéns a todo o persoal do Consorcio, a loita por un #VConvenioXA xa ten os seus froitos e sen deixan a ninguén atrás.
 
1/3/2017 Acordo final para a ratificación dos Comités de Empresa do Consorcio
Texto final do acordo na comisión de persoal e no comité intercentros do persoal laboral da Xunta de Galiza.
Nota: Este documento está en formato pdf. Para podelo visualizar precisas o lector Acrobat instalado no teu ordenador